Vai a sottomenu e altri contenuti

Presentazione del libro di Simonetta Delussu 'Maissa e il Dey d'Algeri'

Data evento: 15/11/2021 Luogo: Unione dei Comuni della Valle del Pardu e dei Tacchi dell'Ogliastra Meridionale Categoria: Manifestazioni culturali
Presentazione del libro di Simonetta Delussu  'Maissa e il Dey d'Algeri'

Custu giòbia presentada in videocunferèntzia de s'ùrtimu libru de Simonetta Delussu: 'Maissa e il Dey di Algeri'

S'Ufìtziu de sa Limba Sarda Biddas de su Riu Pardu at a presentare, giòbia su 18 de onniasantu a ora de is 17.00 de merie, in sa prataforma 'Google Meet', su libru Maissa e il Dey di Algeri, ùrtima òpera de s'iscritora terteniesa Simonetta Delussu. Paris cun s'autora ant a allegare is operadores linguìsticos Ivan Marongiu, Susanna Floreddu e Alessandro Podda.

Su romanzu Maissa e il Dey di Algeri, leadu dae un'istòria bera, contat s'epopea ispantosa de Maria Pitzettu, giòvana fèmina de Tertenia furada dae is moros in unu de is ùrtimos isbarcos barbarescos in is costas ogiastrinas, chi gràtzias a su determinu suo aiat finidu pro devènnere sa preferida de su Dey de Algeri.

Pro leare parte a sa videocunferèntzia bastat a si collegare a custu ligàmine https://meet.google.com/sho-yrpe-kkt

Su fatu istòricu. Su 27 de mese de argiolas 400 moros fiant isbarcados a presu de Santu Giuanne de Sàrrala, atachende sa turre difèndia dae Sebastiano Melis cun su fìgiu suo Antonio e àteros duos òmines. Is guàrdias aiant difèndidu sa turre cun totu sas fortzas issoro pro deghe oras, ma s'iscòpiu a malasciagura de un'istèrgiu de bruvura aiat ochidu a Antonio Melis. Gràtzias a s'arribu de is militzianos dae Tertenia is atracadores si nde fiant fuidos, lassende in terra medas mortos e fertos. Is moros però fiant resèssidos a carrigare in is naves unos cantos presoneris terteniesos e tra issos ddoe fiat fintzas Maria, de pagu tempus devènnida mama. Lòmpida a Algeri sa fèmina fiat istada seberada pro sa bellesa sua dae su re de Algeri pro allatare su fìgiu. Maria pigat su nùmene àrabu de Maissa e in pagos meses divenit sa preferida de su Dey, e fintzas amante sua: in sa corte de Algeri bivet comente una reina, ma sa mancàntzia de sa terra sua, de su maridu e de su fìgigeddu est tropu forte. Cando essit s'ocasione de torrara a Sardigna cun un'iscàmbiu tra de presoneris, totu si cùmplicat ca Maissa isetat unu pipiu dae su Dey, s'òmine chi dd'aiat furada, ma de su cale si fiat amorada.

Su romanzu, chi faghet parte de su gènere de sa turcheria, est arribbadu finas a nois comente contu orale, ma si tratat de un'istòria capitada a beru, comente est essidu a campu dae is documentos de archìviu chi s'iscritora, a sa de chimbe òperas literàrias suas, at postu in apenditze a su libru.

Documenti allegati

Documenti allegati
Titolo  Formato Peso
Locandina Formato pdf 1104 kb

A chi rivolgersi

A chi rivolgersi - Referente
Ufficio/Organo: Scolastico e diritto allo studio, culturale, sport e servizi connessi
Referente: SIMONE CARTA
Indirizzo: Via Roma 173, 08047 Tertenia (Nu)
Telefono: 0782908020/14
Fax: 078293009  
Email: m.carrus@comunetertenia.it s.carta@comunetertenia.it protocollo@comunetertenia.it
Email certificata: amministrativo@pec.comunetertenia.it protocollo@pec.comunetertenia.it
Scheda ufficio: Vai all'ufficio
torna all'inizio del contenuto
torna all'inizio del contenuto